Saman um tað góða barnalívið!

Fyri at skapa so góðar karmar sum til ber fyri okkara børn og ungu, hava vit tørv á fleiri sjálvbodnum. Her á síðuni kanst tú lesa eitt sindur um hvørjar uppgávur okkum tørva sjálvboðin til. Um hetta hevur tín áhuga, ert tú vælkomin at senda okkum eini boð ella seta teg í samband við ein nevndarlim.

Okkum tørvar: 

• Hjálparvenjarar
• Liðleiðarar
• Dómarar
• Aðrar uppgávur

Liðleiðarar

Í ungdómshondbólti hevur menningin av einstaka leikaranum týdning, men tað er felagsskapurin, liðandin og samstarv, sum byggja lið, har leikarir trívast, mennast og hava hug at halda fram. Liðleiðarin hevur, saman við venjarunum, ein týdningarmiklan leiklut í at styrkja felagsskapin rundan um liðið, og skapa góðar upplivingar fyri bæði leikarar og foreldur. 

Sum liðleiðari kanst tú: 

• Samskipa vask av spælaraklæðum (U6-8)
• Samskipa felags koyring til útidystir
• Gera vaktarskema til kiosk og dómaraborð til heimadystir 
• Skipa fyri 2 sosialum tiltøkum hvørt kappingarár (t.d. hyggja eftir landsdystum saman, fara at svimja aftaná dyst, fara í biograf, møtast heima hjá onkrum áðrenn ella aftaná dyst, PyjamasParty)

Við einum sterkum toymi av  foreldrum og sjálvboðnum kring liðini skapa vit bestu fortreytirnar fyri, at børnini trívast, mennast og fáa góðar upplivingar bæði á og uttanfyri vøllin.

#samanumtaðgóðabarnalívið 

Dómarar

Tá okkara lið hava heimadyst hava vit tørv á dómarum. Høgni Vilhelmsen hevur ábyrgd av at seta dómarar hjá ÍA. Tú ert vælkomin at senda okkum eini boð ella seta teg í samband við Høgna, um tú kundi hugsað tær at roynt teg sum dómara. 

Útbúgving:

Tað er ikki krav, at hava ella taka dómaraskeið fyri at døma dystir hjá ÍA. Men hevur tú hug til tess, so skipar HSF fyri dómaraskeið/dómaraútbúgving. 

Dómarar kunnu taka trý ymiskt prógv, A-, B- og C-dómararprógv. C-prógvið er ætlað teimum, sum døma upp til og við U14, B-prógvið til 1. deild, 2. deild, U18 og U16, meðan A-prógvið er til fremstu deildirnar. Tú kanst lesa nærri um dómaraskeiðini á heimasíðuni hjá HSF

Aðrar uppgávur

Eitt gott felag byggir á nógv ymisk sløg av av sjálvbodnum. Øll kunnu gera mun, og tað er ikki neyðugt at hava hondbóltsbakgrund fyri at gerast sjálvboðin í ÍA. Nøkur hjálpa til við einstøkum uppgávum ella tiltøkum, meðan onnur hava hug og tíð at taka størri ábyrgd.

Kanska hevur tú hug at hjálpa til við einum foreldrafundi, baka eina køku ella geva eina hond til eitt tiltak. Kanska hevur tú eitt gott hugskot, ella kanska hevur tú hug at vera verkætlanarleiðari fyri eitt innsavningartiltak, Color Run, ella onnur tiltøk hjá felagnum.

Vit hava tørv á bæði teimum, sum hjálpa til eina løtu í senn, og teimum, sum hava hug at standa á odda fyri átøkum og verkætlanum.

Tú kanst m.a. hjálpa til við:

• Innsavningartiltøkum
• Endatiltøkum og felagstiltøkum
• Color Run
• Limadegnum
• Standa fyri matgerð til tiltøk
• Baka køkur til foreldrafundir og tiltøk
• Uppseting og niðurtøku til tiltøk
• Taka myndir og gera innihald til sosialar miðlar
• Finna vinningar til tombola og lutaseðlasølu
• Skipa fyri sosialum tiltøkum
• Praktiskum arbeiði í høllini
• Samskifti, marknaðarføring og grafiskt arbeiði
• Stuðulsarbeiði og samskifti við vinnulívið

Fortel okkum fegin, hvat tú kundi hugsað tær at hjálpt til við. Vit finna altíð eina uppgávu, sum passar til tínar førleikar, stundir og áhuga.