Eyka aðalfundur - vilt tú verða við at menna hondbóltsumvhvørvið á Argjum?
Góðu ÍA foreldur og aðrir hondbóltsáhugaðir argjabúgvar
Kallað verður inn til eyka aðalfund mikudagin 1. oktober 2025 kl. 17.15. í skúlanum á Argjahamri, har einasta punkt á skrá er nevndarval.
Fyri at fullmanna nevndina og harvið tryggja, at felagið kann halda fram, er neyðugt við einum eyka aðalfundi.
Til nevndarvalið á aðalfundinum tann 27. august 2025 stillaðu tríggir av verandi nevndarlimum uppaftur, umframt at ein nýggjur fólk stillaði upp. Sambært viðtøkum felagsins skal nevndin mannast av 5-7 nevndarlimum, og tí er neyðugt við einum eyka aðalfundi. Vit vóna at síggja nógv av tykkum til eyka aðalfundin, soleiðis at felagnum verður lív lagað.
Nýggja nevndin fer at fáa møguleika at skipað og avgera, hvussu felagið framyvir skal rekast og mennast. Argir hevur staðið í stórum vøkstri seinastu árini, og hetta heldur fram komandi árini. Tí er eingin ivi um, at tað á Argjum eru stórir og áhugaverdir menningarmøguleikar fyri hondbóltin.
Møtið fjølment!
Nevndin