Nú stundar til ársins Familjubingo við nógvum góðum jólavinningum
Sunnudagin 17. novembur kl. 15.00 skipar ÍA fyri einum hugnaligum familjubingo í Róðrarneystinum á Argjum, og øll eru hjartaliga vælkomin.
Nógvir góðir bingo-vinningar, m.a. dunnur og annan góðan jólamat, sodavatnskassar, jólakalendarar og karamellur.
Eisini verður møguleiki at keypa lutaseðlar, sum verða trektir millum spølini, har tú m.a. kanst vinna atgongumerki til Voxbotn og Tórsfest, gávukort til Umami, Eia Veia stavrað, ræstan lambsbógv og mangt annað.
Vit spæla 10 spøl (1 spæl = 1 rekkja, 2 rekkir og full pláta), og selja bingoheftir við 10 síðum, ein síða til hvørt spæl, og 5 plátum á hvørjari síðu. Eitt bingohefti kostar 100 kr.
Eisini hava vit kiosk, har vit selja kaffi/te, køku, rís a la mande og annað gott.
Aftaná næstsíðsta spæl trekkja vit vinnarar av lutaseðlunum, sum okkara limir hava gingið runt og selt seinasta mánaðan.
Vit vóna, at tit taka væl undir hesum tiltaki, og vit gleða okkum at síggja bæði børn og vaksin til eitt jólaligt familjubingo-ho-ho
Ein stór tøkk til stuðlar okkara, uttan tykkum var hetta ikki møguligt
#atlanticairways #bygmabalslev #trygdartøkni #hotelhafnia #magn
#PE #Voxbotn #Tórsfest #eiaveia #umami #FSF #PH #Kvilthárfríðkan
Vinarliga, Nevndin