Lutaseðla vinningar 30.03.19

Takk fyri stuðulin í dag, tað gekk so avbera væl 🙂

Her eru vinnararnir av lutaseðla søluni.

Vinningarnir kunnu heintast í dag í høllini á Argjahamri til kl 19:30 ella við at ringja til 220969.

Gulur 97 Málningur eftir Selmu Ellingsgaard

Gulur 50. Voxbotn atgongumerki

Hvítur 65. Karamellueskja

Grønur 44. Dunna

Bláur 66. Fruktkurv

Ljósar. 23 Barna klippikort til Svimjihøllina og páskaregg

Laksaf. 37 Karamellueskja

Gulur 22 Posi við døgurðamati

Ljósar. 53 Fruktkurv

Laksaf. 83 Karamellueskja

Gulur 78 Turrur fiskur

Gulur 85 Karamellueskja

Ljósar. 51 Fruktkurv

Grønur 458 Rullupylsa

Gulur 82 Karamellueskja

Ljósar. 40 Fruktkurv

Gulur 79 Karamellueskja

ÍA takkar fyri stuðulin.


Vit hava sett fulltíðar venjara

Sunrid og Mark skriva undir nýggjan sáttmála

ÍA spílar seg nú veruliga út. Mark Dahl er settur í fulltíðar starv sum ungdómsvenjari

Síðani ÍA varð sett stovn í 2011 er undirtøkan millum argjafólk bara økt. Denturin hevur alla tíðina verði lagdur á yngru deildirnar, og nú hevur felagið veruliga spent seg út.

Mark Dahl, sum er 30 ára gamal, er nevnliga settur í starv sum fulltíðar ungdómsvenjari. Mark kom til Føroya fyri tveimum árum síðani, og hevur hann vart málið hjá Team Klaksvík og StÍF, umframt at hann eisini hevur verið virkin sum venjari hjá hesum feløgum.


Nú verður tað so sum ungdómsvenjari burturav, at Mark skal royna seg. Sum høvuðsungdómsvenjari fer Mark at venja mest sum øll ungdómslið felagsins. Undantøkini eru yngstu árgangirnir hjá gentum og dreingjum, sum eru undir kønari leiðslu av Svannu Hanusardóttir, sum júst nú er heiðrað av HSF fyri at hava virkað sum hondbóltsvenjari í samfull 50 ár. Sáttmálin við Mark er galdandi fyri komandi tvey árini, og Sunrid í Gong, forkvinna, fegnast um hetta stigið.

Argir er í støðugum fólkavøkstri, og aftur nú síggja vit nýggjar útstykkingar. Enntá í grannalagnum hjá høllini. Vit síggja tað sum eina spennandi avbjóðing at geva teimum mongu húskjunum, sum bæði búgva og koma at búgva á Argjum, eitt gott og mennandi hondbóltstilboð. Og við at seta Mark í starv, hava vit tikið eitt stórt fet á hesi leiðini.

Ikki minst eru vit fegin um, at vit vísa í verki, at vit ynskja at byggja felagið upp frá grundini av, soleiðis at ungdómurin alt fyri eitt fær munagóða venjing, sigur Sunrid. Í nevndini í ÍA sita í dag Sunrid í Gong, forkvinna, Martin Mørk, sum er kassameistari og skrivari, Gunnvá Eysturoy, Helga R. Øster, Johild G. Nolsøe og Sølva Heinesen.

Eykaaðalfundur

 

Á eykaaðalfundi 6 desembur 2018 vórðu hesi fólk vald í nevndina hjá ÍA:

Nevndin hevur skipað seg við

Sunrid í Gong, Forkvinna

Johild Grothsdóttir Nolsøe, Nevndarlimur

Gunnvá Eysturoy, Nevndarlimur

Martin Mørk, kassameistari og skrivari

Helga Rúnadóttir Øster, Nevndarlimur

Sølva Heinesen, Nevndarlimur

Aðalfundur 20 Septembur 2018

Á aðalfundi 20 Septembur 2018 vórðu hesi fólk vald í nevndina hjá ÍA:

 

Nevndin hevur skipað seg við

Kristian Martin Skála, formaður

Mikael Widerø næstformaður

Martin Mørk, kassameistari

Helga Rúnadóttir Øster, Nevndarlimur

Johild Grothsdóttir Nolsøe, Nevndarlimur

Sølva Heinesen, Nevndarlimur

Aðalfundur hjá Í.A.

Ársaðalfundurin hjá Í.A. verður hósdagin 20. septembur kl 20:00  í Skúlanum á Argjahamri.

Nevndin heitir á limir, leikarar, foreldur og øll onnur ið hava áhugað, um at møta á aðalfundi.
Vónandi verður uppmøtingin góð.

Skrá:

1. Val av fundarstjóra
2. Formaðurin greiðir frá farna árið
3. Kassameistarin leggur fram grannskoðaðan roknskap
4. Innkomin mál
5. Nevndarval
6. Ymiskt

So ferð hondbólturin aftur á rull

So byrjar hondbólturin endiliga aftur og vita vit, at nógv børn eru spent. Vit fingu góðan stuðul frá fleiri teirra leygardagin, har tey vóru sera røsk at renna og koyra seðlar í postkassarnar á Argjum.
Hetta, so vit upp á ein skjótan máta kundu fáa boðini út um at nú byrjar hondbólturin hjá Í.A. endiliga aftur.
Seinasta vetur gekk tíverri ikki so væl at fáa mini-hondbóltin, sum er fyri børn undir skúla aldur upp at koyra, men vit hava eina vón um at komandi vetur verður betri. Vit vóna at undirtøkan verður góð og nógv børn og foreldur møta.

Vit gleða okkum at síggja tykkum øll aftur og vóna, at enn fleiri koma at spæla hondbólt – so góðu børn bjóðið endiliga fleiri við tykkum.

Bestu hondbóltskvøður

Nevndin

Minihondbólturin steðgar fyri veturin.

Tíverri hevur tað ikki eydnast at fingið minihondbóltin upp at koyra hendan veturin.
Vit vænta og vóna, at komandi ár fáa vit ein tíma sum fer at liggja betri fyri soleiðis, so at vit aftur kunnu hava minihondbólt.

Um onkur hevur hug at hjálpa til við venjingini hjá minihóndbóltinum komandi ár, seti tykkum so í samband við onkran av nevndarlimunum.

Nevndin

Menninir skrivaðu søgu

Besta mansliðið hjá ÍA vann sín fyrsta dyst í nýggju høllini á Argjum

Kappingarárið hjá besta mansliðnum, sum spælir í 2. deild, byrjaði farna sunnudag, tá ið menninir vóru í Hoyvíkshøllini og royndu seg ímóti H71 A, sum væntandi telist ímillum bestu liðini í deildini. Hendan dystin vann H71 trivaligt.

Í dag var tað tó við spenningi, at mansliðið fyri fyrstu ferð skuldi royna seg í nýggju høllini á Argjahamri. Dagsins mótstøðulið var KÍF.

Í fyrra hálvleiki var greiður munur á liðunum. ÍA bygdi sær eina leiðslu, ið støðugt vaks sum hálvleikurin leið. Størsti málmunurin var átta mál, tá ið okkara menn vóru frammanfyri 16-8, men undan steðginum megnaðu kollfirðingar at minka munin niður í seks mál, so hálvleiksstøðan gjørdist 16-10.

Tíðliga í seinna hálvleiki kom ÍA á odda heili 20-12, og tá tyktist dysturin avgjørdur. Men við eitt kom stígur í álopsspælið hjá heimamonnunum, og samstundis tevjaðu kollfirðingarnir blóð. Tað gingu eini 12-13 minuttir, har okkara menn ikki skoraðu. Veruligur spenningur kom í dystin, tá ið munurin varð minkaður til 20-19.

Men so skoraði Teitur Debes Olsen upp á brotskast, og eftir hetta var tað aftur heimaliðið, sum setti dagsskránna. Síðstu 10 minuttirnar var ongin slingur í valsinum, og endaliga úrslitið gjørdist, at ÍA vann ein tryggan heimasigur – 27-20!

Hugaligt var, at fleiri áskoðarar vóru møttir upp í høllini at veita argjamonnunum sín dygga stuðul. Liðið er mannað av ungum argjafrensum, sum eru ímillum 18 og 21 ár. Tó vóru eisini tveir eldri harrar við á liðnum í dag, sum góvu eitt sindur av tiltrongdum royndum. Teir vóru feðgarnir Kári og Kristian Martin Skála, ið eru ávíkavist 24 og 44 ára gamli. Harafturat spældi 20 ára gamli beiggin og sonurin, Bjarni Skála, eisini við. Skála-slektin var væl umboðað á ÍA-liðnum í dag, ongin ivi um tað.

Støðan er tann, at nýggju klæðini hjá felagnum ikki eru klár enn. Samstundis eru gomlu klæðini givin burtur, so í dag máttu menninir spæla í hvítum blusum, ið teir høvdu tikið við heimanifrá. Dagsins málmaður, Neli Heldarskarð, spældi í egnum, myrkabláum Arsenal-jakka, og ikki kann sigast annað enn, at hann við fleiri góðum bjargingum minti um ein ávísan Petr Cech.

Næsti dysturin hjá monnunum verður um eina viku, leygarkvøldið 11. november, tá ið H71 B verður mótstøðuliðið. Dysturin byrjar klokkan 19.

Málskjúttarnir hjá ÍA frá dystinum í høllini á Argjahamri síggjast niðanfyri:

ÍA-KÍF 27-20 (16-10)

ÍA: Kristian Martin Skála 6, Rói Zachariasen 4, Martin Balle 3, Hørður Tórsson 3, Bjarni Skála 3, Teitur Debes Olsen 2, Jógvan Jóhannesson 2, Bjarki Christianson Nielsen 2 og Kári Skála 2.

Martin Nielsen og Brandur Jákupsson spældu eisini við.

 

Neli Heldarskarð hevur skriva.